2007/11/13

Зул

... Сэтгэл хөндүүрлэв. Дагаад зүрх бас хөндүүрлэв.
Үхэж төрөх нь амьдралын жам ч үхлийн тухай сонсох аймаар юм. Тэр тусмаа эргэн тойронд минь өрнөх, огтын санаандгүй тохиох үхэл аймшигтай, зүрх зүсэм...

Дундговьд болсон залуучуудын чуулга уулзалтад оролцоод буцаж явсан Барилга хот байгуулалтын сайд Ж.Наранцацралт өчигдөр орой машины осолд орж жолоочийн хамт газар дээрээ нас баржээ. Энэ үйл ажиллагаанд оролцоод Өмнөговийг зорьж явсан өөр нэг машин бас осолдож хэд хэдэн хүн гэмтэж нэг хүн өнгөрчээ.
Яг энэ өгүүлбэрийг бичих ямар хүнд байна гээч. Гар салгалж, өмнөх товчоо үл ононо. Гашуун нулимс нүд бүрхэж, дотор харанхуйлна. Гэвч би бичих л ёстой, өөр юухан чадах билээ. Бид ийм л юм чинь. Хоёрдахь машинд нас барсан хүн нь үзэг нэгт анд “Өнөөдрийн монгол” сонины эрхлэгч С.Цэмбэлдорж...
Ямар үйл тохиохоороо нэг дороос хоёр өөр зүгт салж явсан машин хоёулаа осолддог байна. Хоёуланд нь хүн нас барж, тэдний нэг нь зүгээр л ажлаа хийж явсан, идэр залуухан сэтгүүлч залуу байх юм гэж хэн санах билээ.
.
... Саяхан л, сарын өмнө түүнтэй уулзсанаа бодов. Зохиосон арга хэмжээнд нь олуулаа оролцож билээ. Хэлж байсан үг, зорьж байсан зорилго нь даанч тодхон. Хундага дарс тулгаж, хэтийн төлөвлөгөө ярьж байсан нь саяхан. Хамтарч зүтгэх ажлын эхлэл тэнд тавигдсан байлаа. Ажлаа цагт нь, сайн зохион байгуулсангүй гэж түүнд үг хаяж, дургүйлхэж байсан санагдана.

Үхэл гэгч ийм ойрхон байдагт итгэж ядна. Үнэмшихэд ч хэцүү үнэн гэж байх юм. Үзгээр бичиж, үгээр илэрхийлж болдоггүй гуниг гэж бас байдаг аж.
Даанч намуухан, даруухан, бас итгэл даахуйц найз байв. Далай мэт уужимхан сэтгэлтэй, хүлээцтэй хүн байв. Хэнд ч тал алддаггүй, тэгсэн мөртлөө өөрийнхөөрөө, үзэл бодолдоо үнэнч, үзэг, үг, үйлс гурав нь цагаахан нэгэн байлаа. Хэзээ ч юм түүнийг хүлээх их үйл хэрэг нь хоосон үлдлээ. Хэдэн нөхдийнх нь дунд орон зай нь ханхайж хоцорлоо.

Эхлүүлсэн бүхнийг чинь үргэлжлүүлэх нөхөд чамд бий, эргэж ирнээ гэж хүлээх гэр бүл чамд бий. Энэ орчлонг харлуулж одно чинээ санаагүй ижий чамд бий, эзгүйрч үлдээсэн бүхнийг чинь дурсаж явах хамт олон бас бий, эзнээ мөнхөлж үлдэх уран бүтээлүүд чинь бий ...


Талаар тархах цэцэгсийн таана нь чи байлаа
Танилаас цаашгүй олны зангилаа нь чи байлаа
Дуусгаж амжаагүй мөрүүдийн бэх нь чи байлаа
Дундрах ёсгүй бичээсийн бийр нь чи байлаа

Буйд ертөнцийн аниргүйд тайван нойрсоорой анд минь
Бурханы орондоо очоод буцаад ирээрэй найз минь
Буян хурааж чамайгаа дахин төрнө гэдэгт итгэе
Биелүүлж амжаагүй болгоныг чинь Зул мэт өргөнө гэж амлъя.

Ум маани бадми хум.

9 Сэтгэгдэл:

3apaa said...

Гүн эмгэнэлийг минь хүлээн авна уу. Ум ма ни бад ми хум

Unknown said...

Их харамсалтай юм болсон байна лээ ...

melkadies said...

Gun haramsal ilerhiiley

Cаарал said...

Амьддаа бие биенээ хайрла хүмүүсээ гэдэг үгний утга учир ийм л үед орой руу орж байгаа юм даа. Даанч ойлгодог ухаардаг нь цөөхөн хорвоо юм даа.

ZAYA said...

Ум маа ни бад ми хум.
Гүн эмгэнэл илэрхийлье.

Anonymous said...

Ум ма ни бад ми хум

Anonymous said...

Setguulch humuus goe yuma, neg bodliin. Setgel dotorhoo yamar ch uudlaad gargachih yum. Er ni darga nar dagaj yavahdaa bodoltoi bhgui bol 1 yum bolohoor l jolooch, setguulch 2 yavchih geed bdag bolson bna shu nuhduu.

foreclosurefraud said...
This comment has been removed by the author.
foreclosurefraud said...

I completely disagree with the article and statement. I find it baseless! How can a supposedly Lender, Equity Share in something they never had rights to in the first place. Again, the wolves in sheep clothing. A mere gimmick to hide the Fraud that has existed since the beginning of the Foreclosure Crisis. Banks, servicer's, MERS.... the first issue is that they don't have standing to foreclose. So now they bait and switch the homeowners into being JV partners - participating in their Foreclosure Fraud scheme. I don't think so. I cover this in detail through my video series at Foreclosure Fraud Exposed Power of Sale

Rick