Залхаг инээд

Учиргүй догдлоод л сүйд байсан усан борооноосоо өнөөдөр залхаж үхэх нь, удахгүй хувирах юмаа хүний хүсэл тачаал. Аливаа юм угаасаа хэр хэмжээнээс хэтрэх буюу олон давтагтахаар л анхны сайхан сэтгэгдэл навс өөрчлөгдөж улиг болдог талтай. Одоо энэ сонгуулийн сурталчилгаа юу? Ээ чухам энэ хорвоо дэлхийд над шиг ухаалаг, хөөрхөн, сайхан, шударга хүн алга. Би л гарахгүй бол улс орон гэдэг чинь бутарч сөнөөд, төр засаг чинь тарж унах гээд байна гээд л хоног өдөр алгасахгүй, хоол унд ч идүүлчихгүй 24 цагийн ажиллагаатай машин механизм шиг л түчигнэж байна.

Шуурга шиг хуйлрах сурталчилгаа, цуурга эвдэж орж ирэх сонин цаас, шаагиад салахгүй уйланхай тэнгэр, шалбайтал норсон газрын хөрсийг эс өгүүлж жоохон инээцгээх үү, хэдүүлээ. Аргаа барсан хүүхэд аавынхаа толгойг маажина гэгчээр хийх байхаа олж ядахдаа хэдэн дууны үг гуйвуулж баяслаа. Энд тэндгүй л байдаг зүйл л дээ, гэхдээ яадаг юм. Хоол болтол шийр зугаа. Сонгууль болтол солиорол зугаа. Түрээрэй...

Сонгуулийн дараа Төрийн албан хаагч дуулж байна:
Одоо ингээд халагдана гэхээр...

Будлиу цаг уурчны дуу:
Хавар нь ороогүй бороо
Намартаа яагаад шаагина вэ

Биеэ үнэлэгч бүсгүйн дуунаас:
Ямар сайхан хүмүүсийг бурхан надад илгээснийг
Ялгуун сарны дор үгээр хэлэхийн аргагүй ээ

Хоёр орны харилцаанд сэв суулгах дуу:
Наран улсын бөхийн дэвжээг хотолзуулсан
Нарлаг Монголын хүчтэнүүдийг дагуулсан

Паарны ойролцоо унтсан хүний дуу:
Зүүрмэглэх нойрондоо би чамайгаа
Наран болгон гийгүүлэв ээ
Зүйрлэшгvй илчинд чинь би өөрөө
Навчис болон дэлгэрэв ээ хө

Сарын тэмдгээ хүлээсэн бүсгүйн дуу:
Уулзалгүй удвал уйтгарладаг
Уулзвал хэдэн өдрөөр баяртай явдаг

Мини юбкатай хүүхний дуу:
Учиртайхан харц намайг дагана

Зоонтоггүй хүний дуу:
Хавар намрын бороо нь хүртэл
Хацар хацрыг минь норгоод л байна

Нусны алчуургүй хүний дуу:
Миний нулимсыг салхи л арчина

Шуналтай хүний дуу:
Тэвэр дүүрэн цэцэг өгч сэтгэл гаргах сайхан байдаг ч
Багадах биш үү
Тэнгисээр хамтдаа аялна гэж амлалт өгөх өчнөөн гайхам ч
Дутуу биш үү

Дүлий хүний дуу:
Итгэж надад хэлсэн vгийг чинь
Сонсоогvйдээ би буруутай

Амиа хорлож байгаа хүний сүүлчийн үг:
Амьдралаа, амьдрал аа би чамд хайртай

Гомо залуусын дуу:
Эр хоёр загал
Эзний хоёр загал

Занаж хорссон хүний дуу:
Орхиод л гарсан тэр л чинь дүр чинь ээ
Ой тойнд мэт хоногшоод байна даа хө

Гозон хүний дуу:
Зулзган цагаан хус минь ээ хө
Зулай шүргэм ганхана аа хө

Заргач хүний дуу:
Намайг чамд дурласан гэж хэн хэлсэн бэ

Тураалтай хүний дуу:
Дэр хуваах тавиланд сөгдөөд
Дэрсхэн биеэ чамдаа зориулъя даа

Өөрийн толгойгүй хүний дуу:
Чиний аясаар би хөтлөгдөх дуртай
Чиний аясаар би хөглөгдөх дуртай

Дээвэр нь цоорхой сургуульд сурдаг оюутны дуу:
Үүл нь хүртэл дуулж байдаг даруухан харш минь миний сургууль

Эрүүлжүүлэхэд хоносон хүний дуу:
Цэнгэлийн дарсанд хөлчүүхэн явахад минь
Цэнгийн нүүдэлтэй алсхан одсон

Орон гаран хүний дуу:
Ууган үрээ үнэрлэсээр
Инээсэн байтлаа уйлах юм аа

Үерт автангаа алдсан хүний дуу:
Дэргэд шивнэсэн горхи намайг орхиж холдоход
Дагаад гүймээр урсгал нь санаанд минь хоцорно оо

/Үргэлжлүүлж болно, бас ямар дуунаас авсанаа ишлэж болно/