Эрээвэр хураавар

Улс төрөөр хэл хальтирахуй - 2

ХХААЯ-Хүнсээ Хордуулж Ардыг Айлгадаг Яам
ҮХЯ-Үлгэр Хайлдаг Яам
УИХ-Улсаас Идсэнийгээ Хуульчлъя
МАХН-Миний Аавыг Хэлмэгдүүлсэн Нам
АТН-Амаараа Тэмцэгч Нам
УМХГ-Уландаа Монголын Хуулийг Гишгэгчид
ХЗДХЯ-Хуулийг Завхруулж Дураараа Хошгируулдаг Яам

* * *

Зүүлэг цэцэн үг -2

Хэмнэхийн донтой Л.Гантөмөр
Хэрэлдэхийн донтой Д.Арвин
Хэсэхийн донтой Н.Энхбаяр
Хэвлэлийн донтой Л.Гүндалай

* * *
Сийлбэр тос нүүрэнд халтай
Симба Батаа төрд халтай
* * *
Эсгий хийхэд нохой хэрэггүй
Их хуралд аварга хэрэггүй
* * *
Ямаа туйлаад янгиа эвдэхгүй
Янтгар Ганди төр барихгүй
* * *
Эмэгтэй хүний ус урт, ухаан богино, квот өндөр, хүсэл хязгааргүй…
* * *
Саун массажны охидод хандаж
“Зүгээр суухаар зүлгэж суу”
Үйлчлүүлэгч эрчүүдэд нь зориулж:
"Ажил хийвэл дуустал
Давс хийвэл уустал"
* * *

Холионтой дуу

Далан зургаан гишүүн зургийн хичээл хийж байна
Далан зургаан хуудас чуулганы ширээнд хөглөрч байна:

Дарга Лүндээгийн гарт хөөрөг бариулж зурсан байна
Даалин руугаа оронд нь алх шургуулаад сууж байна

Хөөрүү Гүндалайн "өнөөх"-т нь бэлгэвч углаж зурсан байна
Хөөрхөн хүүхэн хажууд нь чагнуур бариад зогсож байна

"Үнэг" Батаагийн гарт нь буу атгуулж зурсан байна
Үүлэн дундуур ангуучлахдаа онгоц андуурч унагасан байна

Аварга Бат-Эрдэнийг харин купальник өмсүүлж зурсан байна
Алдарт зодог шуудгийг нь Арвин гишүүнд зээлдүүлсэн байна

Залуу гишүүдэд өмдөн дотор нь памперс давхарлаж өмсүүлжээ
Занданшатарыг дунд нь хөзөр эргүүлээд суулгажээ

"Ажнай" Бат-Эрдэнэ ганцаараа адууны жүчээнд янцгааж байна
Алдарт уяач Улаан амгай цулбуураас нь зулгааж байна

Сансрын нисгэгч Гүррагчаад саалийн хувин бариулжээ
Саваагүй Жагаа хажууд нь савга ноолууртай зууралдаж байна...

Хоржоонтой зар

- Төсвийн мөнгийг 76 хулгана мэрж, цоорхой гаргасан тул мэргэжлийн өндөр ур чадвартай оёдолчин хайж байна.
Сангийн яам

- “Дорны луу” ресторан хорт хавдараар үйлчилж байна. Өргөнөөр ирнэ үү.
Рестораны захиргаа
- Хот, хог, нохой гурав нь хуучин даргаа үгүйлж байна. Улаан хацартай, унхиа муутай дарга яаралтай холбоо барина уу.
Нийслэлийн ЗДТГ
- Хадам ээжийн жилийн заслыг 100 хувь найдвартай хийнэ. Заслыг хийлгэхээр ирэхдээ Багануурын архи, Хонгорын ногоо авчирна уу.
Зурхайч, засалчдын холбоо
- Өндөр цалинтай сайд ажил хайж байна. Өгч авахаа харилцан тохирно.
ЗГХЭГ
- Өнөөдрөөс эхлэн өргөн хэрэглээний барааны үнийг Засгийн газар биш захын ченжүүд зохицуулдаг болсныг анхаарна уу.
Монголын ченжүүдийн холбоо

Маапаантай заллага

...Манайд ирээрэй, манайд ирээрэй
Хонгороос авчирсан ногооны салатаар
Сюрприз барин угтъя
Хор нь буцалсан Багануурын архиар
Дээж сөгнөн өргөе
Эрээнээс авчирсан хачигтай алимаар
Өнгө чимэн дайлъя
Элдэж хэрчсэн цианиттай гурилаар
Эрхэм таныг хооллоё.
Манайд ирээрэй манайд ирээрэй
Маргаашийг үзнэ гэж битгий горьдоорой...

Жич: Өмнө нь оруулж байсан Улс төрөөр хэл хальтирхуй-1, Зүүлэг цэцэн үгс-1-ийг миний блогын "Уран бүлтрээ" ангилалаас олж уншина уу. Дээрх бичлэгүүд түүний үргэлжлэл болой.
"Маапаантай заллага", "Холионтой дуу" зэргийг нэлээд хэд хоногийн өмнө Зараа, Амраа ах нарын бичлэгт сэтгэгдэл маягаар зохиож оруулж байсан бөгөөд энэ удаа нэхэж хавсаргасан болно.
Idea иймэрхүү егөө цуглуулгыг цаашид үргэлжлүүлэх сонирхолтой тул та бүхэнд санаа өгөх, нэмж хэлэх юм байвал ихэд баярлана.