Үүсээд байгаа нөхцөл байдалтай холбогдуулж уулзалтын арга хэмжээ хойшилсныг мэдэгдэж байна.
Элдэв тайлбар сэлт хэрэггүй байх, энэ долоо хоногт л лав цугларах тухай бодоод хэрэггүй болж байна. Дараагийн долоо хоногийн эцсээр наадам болно. Эвдэрхий хамхархий, сэмэрхий, сэтэрхий ч Монгол төрийн баяр болохоор ёслоод өнгөрөх болов уу.
Тэгэхээр блогчдын чуулган /аймаар том нэр өгөв/ наадмын дараа зохиогдох төлөвтэй байна. Миний бие зохион байгуулалтын багт орсон хэсэг нөхөдтэй зөвлөлдөж, бас та нарын саналыг харгалзаж тов тогтоох ёстой тул яг төдийд өдийд гэж хэлж төвдсөнгүй.
Юутай ч санал сэтгэгдлээ үлдээсэн, оролцохоо мэдэгдсэн та бүгдэдээ их талархаж байгаа шүү. Бас үймээн самуунд өртөж амь насаа алдсан, хэлмэгдсэн, хөлд нь чирэгдсэн, гэмтсэн, сэтгэл санааны болон эд материалын хохирол амссан бүх хүмүүст эмгэнэл илэрхийлье.
Би бээр мэргэжлийн дагуу хувийн талбар дээр ямар нэг санал дүгнэлт, үзэл бодол илэрхийлэхгүй байхаар шийдсэн. Иймд зөвхөн харамсаж буйгаа мэдэгдээд, бүх блоггерууддаа эв эеийг эрхэмлэн дээдлэж, эрүүл бие, саруул ухаанаар “зэвсэглэж” явахыг уриалъя.
ТЭНГРИ ЛЭНД
5 years ago