Showing posts with label Хальт реклам. Show all posts
Showing posts with label Хальт реклам. Show all posts

2011/02/21

Дачих уу?

Бүүр дээр үеийхнийг бол мэдкума зүгэр, ах эгч нарын үед л лав хайраа илчлэхдээ лайтай лайтай үгтэй захидлууд шидэлцдэг байсышд. Хааяа хүргэж өгч хариуг нь авдаг хариуцлагтай элч төлөөлөгчөөр томилогдож явснаа хаа ч хэлнэ би... Харин замдаа захиаг наалтаар нь эвтэйхэн задлаад цэвэрхэн умшчихаад, эвхээсээр нь буцаагаад наачихдаг гатнуулчин явснаа нээх хэлэх гээд ч яахуу....

За тэгээл, захианууд бол:
...СССР улсаас гаралтай
Сэвсгэр цагаан цаасан дээр
Дурлаж бичсэн захидлын минь
Дугаар номер нэг... гэх буюу,

Нарнаас саранд
Навчнаас цэцгэнд
Надаас чамд... гэж ирээл уран цэцэн гэж юүхэв, уярч хайлаад өөрийн эрхгүй уншихгүйгээр “yes” гэчихмээр эхлэл явна даа.

Тэгээл:
Би нарыг хүснэ
Би салхийг хүснэ
Нар намайг дагана
Салхи намайг үлээнэ
Сайхан чи минь намайг гийгүүлнэ... гэдэг ч юм уу,

...Алд цагаан цаасаар
Алаг зүрхээ орлуулж
Алтан номын үсгээр
Амрагийн захиаг тэрлэнэм... гээл өрнөл хэсэг явж байснаа,

Болрын өнгөөр гялалзсан
Хорвоогийн нэгэн өдөр
Бодлын үзүүрт тодорсон
Охин чамтай үерхмээр байна.. гээл гол санаагаа шургуулаал,

Уулын цэцэг олон боловч
Улаан цэцэг ховор шүү
Үеийн охид олон боловч
Үнэнч чи минь ганцхан шүү... хэмээн хошгируулангуутаа,

Яана гэнээ чи,
Яасан гэнээ чи,
Сална гэнэ ээ чи,
Сайхан мэдээрэй чи... гэж заналхийлсхийгээд,

Зүрхэлж хэлсэн үгийг минь
Зүгээр битгий өнгөрүүлээрэй
Зүүдэлж үдсэн өдрүүдийг минь
Зөвтгөж бодож үзээрэй... гээл хариугаа нэхээд наачина даа.

Тэгээд төгсгөлд нь:
Ганцаараа уншаад
Галд шидээрэй... гээл нууцлахаа бас мартахгүй.

Аа бас, одоонийхон англи үг мүг оролцуулж гангардаг шиг тухайн үедээ орос үг орлуулж каакардаг жишээ байшд.

“Үерхлийн письмо”

Вечер болгон чинийхээ
Луна шиг царайг харах гэж
Ваша окногоор эргэлдэж
Домашный бүдүүн хозейкэд
Дурак болтлоо загнуулаад

Энэхүү үерхлийн письмог
Младший братаар хүргүүлэв
Гэтэл ты минь наддаа
Гэмгүй байтал ответ өгч

Баярласандаа болоод мой сердце
Балбаж гарав аа, как барабан
Конвертыг задлахад рука салгалаад
Задалсан хойноо голово эргэлээ

Почему чи наддаа
Письмоны алдааг засаад
Под хийсэн анализыг
Подарок болгон буцаасан юм бэ? гээл, яджаахад майр языктай нааассс.

Аа харин маний үед бол яахав дээ, уран цэцэн захиа хомсдож, дурсгалын дэвтэр гээд нэг юм аялах нь аялдаг л байлаа, гэхдээ одоо санаанд үлдэхээр дурсамжтай юм алга. Кинонд явна, ууланд гарна, хамт дугуй унана, магнитфоны кассет, приставканы вичис халь солилцоно... гэсгээл ойлголцчихдог болсон. Оюутан байхад FM-ээр дуу захиалсан баньд бол бас хэсэгтээ л хөөрхөн харагддаг байлаа.

Одоо үед гэсэн чинь мэйл, мессеж, чаат гээд юу л бол юу. Текник технологи дэвшихийн хэрээр хүүхэд залуусын сэтгэлээ илчлэх арга улам боловсронгуй болж, заримдаа бүр хэт олшроод залхаах тийшээ хандаад байгаан болуу даа. Юм хэчнээн хөгжлөө ч үерхлийн захиа аваад улаа бутран унших, эзнийг нь олчих санаатай эрэн сурвалжлах аян өрнүүлэхийг гүйцэхгүй л болуу даа.

Ер нь вол, үе үеэрээ, нас насаараа байх сайхан л даа. Жишээ нь орчин үеийн охидод “хосуудын дугаар”-тай, тэгээд 247 өдрийн турш хайраа илчлээл, мессеж нисгээл, нэгж саваал байгаа хөвгүүн саак л харагдана шүү дээ.

Валентин өнгөрсөн ч хайр мөнх, маарт, цэргийн баяр гээл үргэлжилнэ, оройтоогүй дээрээ оройхон гараад ширүүхэн дайрчуул хэн чамайг “Дачих уу?” гээл басхиймбээ, тиймиздээ...гүйвлүү? бодох л асуудал...

/Доорх комикс дээр дарж, зургийг томруулж харвал тун зүгээр/